Lan Mobel Iraurgik bolada txarrarekin segitzen du, 74-66 galdu baitu gaur Avilan, eta orain Espainiako Zilarrezko LEB Ligako sailkapenean bera da azkeneko tokian dagoena; jaitsiera postuan dago, beraz azkena jaitsiko da.
Bi jardunaldi falta dira liga bukatzeko, eta Iraurgik salbazioa lortzeko bietako bat irabazi beharra du. Tarragonaren kontra jokatuko du hurrena, Azpeitian (ostirala, 21:00). Sailkapenaren erdialdean dago Tarragona. Denboraldiko azken partida Promobys Tijolaren aurka izango du, Almerian hirugarren-laugarren dabil hura.
Avilako partidako partzialak: 10-8, 18-15, 20-25, 35-37 atsedena, 45-45, 55-51, 64-58 eta 74-66.
Lan Mobel Iraurgiko saskiratzaileak: Ibargutxi (7), Bratton (12), Paez (10), Aritz Martinez (11), Mortellaro (15); Osa (3), Borja Martinez (5), De la Fuente (1), De la Iglesia (2).