Uztarriaren 2011ko apirileko zenbakia kalean da jada. Hilaren 4ean (herenegun) hasi ziren etxez etxe banatzen. Webgune honetan ikus daiteke jada aldizkaria, baita PDF formatuan ere.
Herri aldizkariak elkarrizketa sail berria estreinatu du hilabete honetan, Euskal Herriko beste herrietan bizi diren azpeitiarrei eskainia. Azpeitiarrak 'Basque Country'-n izena du atal berriak, eta Azkoitian bizi den azpeitiar bat, Mailu Aizpuru, da aurreneko protagonista.
Iritziegile berria ere estreinatu da Uztarria aldizkarian hilabete honetan, Iosu Salegi. Bi hilabetero idatziko du Salegik, Olatz Pratek utzitako tokia hartuz.
Hona hemen Uztarriak apirileko zenbakian landu dituen gaiak:
- Iritzia
- Eneko Iribar: "Gure aldean irribar gehiago egiten dute" Ainitze Agirrezabala.
- Geltoki hutsak Argazkiak: Gaizka Otamendi. Testua: Ainitze Agirrezabala.
- Patxi Azkargorta: "Frontoiak estalia behar du, baina alboak-eta libre dituela" Ainitze Agirrezabala, Mailo Oiarzabal.
- Langilea, laguna Eneritz Albizu.
- Iturbideko alaba Uztarria.
- Mailu Aizpuru: "Azkoitian oso ondo tratatu izan naute beti" Ainitze Agirrezabala.