Lan Mobel ISB taldeak denboraldi honetan etxean jokatuko duen azken partida izango da bihar, ostirala, 21:00etan ADT Tarragonaren kontra Udal Kiroldegian jokatuko duena. Duela bi aste egin bezala, zalez bete nahi dituzte harmailak Iraurgikoek, giro epel horrekin jokalariei babesa erakutsi eta indarra emateko. Horregatik, partidara bitartean ISB tabernan edo Azkoitiko Zurt tabernan produkturen bat kontsumitzen duten helduei sarrera bana oparituko diete.
Lan Mobelek ia beharrezkoa du, maila mantentzeko, bihar gauean ADT Tarragonaren aurkako partida irabaztea. Euren esku dago, izan ere, biharkoa eta datorren astean Tijolaren aurka jokatu behar duten lehia irabaziz gero, datorren urtean zilarrezko LEBen jarraitzea.