Atzo, hilak 7, hasi zen TrebiƱun 17. Korrika eta, apirilaren 17an bukatuko da Donostian. Azpeitira datorren asteazkenean, hilak 13, iritsiko da. Bi aldiz pasatuko da: lehenengo, Matxinbentatik behera, Landetan barrena (herrira sartu gabe) 16:10 inguruan, Zestoara joango da, eta Zestoan buelta hartu eta Azpeitiara itzuliko da, herri barrutik pasatzeko eta Azkoitia aldera joateko. Bigarren aldiz, hau da, herri barrutik (Etxe Zuri parea), 18:03 aldean pasatuko da.
Euskaltzaindia omendua
Aurtengo Korrikako omendua Euskaltzaindia da eta dokumentala egin dute erakundearen ibilbidea jasotzeko. Ikus-entzunezko hori Mondragon Unibertsitateko ikasleek egin dute eta tartean da Alexander Silva azpeitiar kazetaria.
Korrika Kulturalaren baitan, Azpeitian gaur ikusi ahal izango da Zenbait gazte ausart
dokumentala, 22:00etatik aurrera, Sanagustinen.