"Gure amak esaten zuen: Gaztetan inork ez zidan esaten polita nintzenik eta, zahartu naizenean, denek 'zer polita zauden!'. Niri ere horixe gertatzen ari zait", dio Enkarna Arregik, "ezer egin gabe egoten ez" dakien emakumeak. Hari eskainita Alex Silvak idatzi duen liburuxka biografikoa gaur, larunbata, aurkeztu du Uztarriak Baigera I-eko aretoan.
Amaren hitzak gogora ekarri ditu Arregik, bere ibilbideari garrantzia kentze aldera. "Eskerrik asko loreengatik, baina ez dut ikusten ezer berezirik egin dudanik", zioen. "Hemen -liburuxkan- idatzita daudenak ba, ez dakit hala izango diren, baina ez diot meriturik ematen", gaineratu du. Bere bizitzako kontuak liburu batean idatzita ikustea gehiegitxo iruditzen zaio Enkarna Arregiri baina, liburuaren egile Alex Silvak esan duen bezala, "berak -Enkarnak- ez du baloratzen egin duena, baina inguruko guztiek bai. Gure gizartean zein garrantzitsua den, horrelako pertsonen lana".
Aurkezpen ekitaldiko argazki gehiago ikus daitezke hemen.
Seigarrena, aurtengo aurrena
Enkarna Arregiri eskainitakoa Uztarria Komunikazio Taldeak 2009an abian jarri zuen liburuxka biografikoen proiektuaren seigarren lana da; aurten beste bi argitaratuko ditu Uztarriak. Herriko kazetari gazteei idazteko aukera ematea eta hainbat azpeitiarren biografiak argitaratzea dira Uztarriak proiektu honetan uztartu nahi dituen helburuak.
Enkarna Arregiri eskainitako liburuxka herriko liburudendetan eta Uztarriaren egoitzan (Perez Arregi, 1 behea) salgai izango da datorren astetik aurrera, 5 euroren truke.
Uztarriaren produktuak
LIBURUAK
Joxe Takolo
Enekoitz Esnaola, 2001
Angel Otaegi
Iban Arregi, 2001
Imanol Elias
Mailo Oiarzabal, 2002
Patxi Altuna
Josune Etxeberria, 2003
Azpeitiko efemerideak
Imanol Elias, 2003
Azpeitiko mendi gida
Lagun Onak Mendi Bazkuna eta Uztarria Kultur Koordinakundea, 2004
Euskarazko prentsa eta Azpeitia
Uztarria Kultur Koordinakundea, 2004
Loiolarik ez balitz
IƱigo Aranbarri eta Jose Luis Otamendi, 2005
Otsobeltz
Andoni Salegi, 2005
Urrestillako musika taldeak
Asier Sustaeta, 2006
Azpeitiarrak Espainiako Gerran
Amaia Mendizabal, 2006
Oroitarri
Kepa Urbieta, 2008
CD-a
Urolaldeko bertso zaharrak Erniarraitz Bertsozale Elkartea eta Uztarria Kultur Koordinakundea, 2007
LIBURUXKA BIOGRAFIKOAK
Julian Bereziartua
Ander Ugarte, 2009
Leo Etxeberria
Miren Garate, 2009
Valentina Agirre
Olatz Prat, 2009
Santi Lazkano
Nekane Zinkunegi, 2010
Amaia Garmendia
Xabier Otamendi, 2010
Enkarna Arregi
Alexander Silva, 2011
Liburuak oso-osorik webgune honetan irakur daitezke, ziberteka atalean.