Gaur, astelehena, hasiko da 2010eko Gazte Astea. Gaurtik igandera bitartean ekimen ugari antolatu ditu Azpeitiko Gaztetxeak: hitzaldiak, afari-tertuliak, bertso trama, kontzertuak, argazki rallya...
Gazteek izango dute zer egin eta zer gozatu. Gaur arratsaldean emango diote asteari hasiera txupinazoarekin. Segidan, bizikleta karabana egingo dute.
Aurten ere futbito txapelketa Gazte Astetik aparte antolatu dute.
Hona, 2011ko Gazte Asteko egitaraua:
Apirilak 11, astelehena
18:30ean, txupinazoa plazan.
19:00etan, bizikleta karabana.
20:00etan, pintxo jana eta antzerkia.
Apirilak 12, asteartea
19:00etan, Espetxeetako errepresioa izenburupean hitzaldia.
20:30ean, afari-tertulia.
Apirilak 13, asteazkena
19:00etan, Gaztetxearen bilakaeraren inguruko hitzaldia.
20:30ean, afari-tertulia.
Apirilak 14, osteguna
19:00etan, GZZren eskutik Zero Zabor hitzaldia.
20:30ean, pintxo jana.
22:00etan, Bertso Trama. Beñat Lizaso, Josu Oiartzabal Xenpelar, Jokin Uranga eta Haritz Etxeberria Ministro ariko dira kantuan; trama jartzen, berriz, Aitor Zinkunegi.
Apirilak 15, ostirala
20:00etan, parrillada.
22:00etan, parodia.
Apirilak 16, zapatua
12:30ean, argazki rallya.
14:30ean, bazkaria. Sarrerak, Txarrantxan eta Orkatzen erosi ahal izango dira.
16:30ean, Skandalue elektrotxaranga eta koadrilen arteko herri kirol lehia.
20:30ean, pintxo jana.
22:00etan, Orkesta Marxista eta Garraxika taldeen kontzertuak.
Apirilak 17, igandea
18:00etan, Sagarren Denbora dokumentala.