Igande honetan Arantzazurako Ibilaldia izango da, urtero moduan, Gipuzkoako Elizbarrutiak antolatuta. Azpeitiko Parrokiak autobusak ipiniko ditu joan nahi dutenentzat. Autobusa 08:00etan abiatuko da Betharram aurretik, eta bazkalordurako herrian izango da bueltan.
Gaur gauean amaituko da izena emateko epea, eta ohiko lekuetan eman ahal izango da: Erdi Kaleko Agirre dendan, Sanjuandegiko Belaetxe liburudendan eta Parrokiako Bulegoan.
Erramu eguna, igandean
Datorren igandean, bestalde, Erramu Igandea ospatuko dute. Elizkizuna eta erramu bedeinkapena ere 12:30ean izango da, katekesiko umeekin batera. Hori dela-eta, hileta izango balitz, 18:30ean egingo lukete hori.