Azpeitiko emakumeen Jabetze Eskolaren baitan, teoria feministaren inguruko bigarren saioa egingo dute zapatu goizean. Lehenengoan mugimendu feministaren sorreraren eta bilakaeraren berri eman zuten. Bigarren saio honetan, berriz, Azpeitiko eta Euskal Herriko mugimendu feministaz ariko dira. Bertan, garai desberdinetan Azpeitiko mugimendu feministan parte hartu duten emakumeek beraien ibilbidea azalduko dute.
Hitzaldia, Sindikatu Zaharrean izango da, zapatuan, 10:00etan.