Azpeitiko XII. Erremonte Txapelketa joan den ostiralean, hilak 27, hasi zen Izarraitz pilotalekuan.
A taldeko neurketan, Matxin VI.ak eta Ionek 22-40 irabazi zieten Matxin III.-ari eta Zubiriri. B taldeko neurketan, berriz, Oñatz-Agirrezabala bikotea 33-40 nagusitu zen Etxabe eta Urkoren kontra jokatutako partidan.
Bigarren jardunaldia, ostiralean
Kanporaketetako bigarren jardunaldia jokatuko dute ostiral honetan, hilaren 3an, Izarraitz pilotalekuan, 18:30ean hasita. Lehenengo partidan Zulaika eta Zubizarreta Matxin III.-a eta Zubiriren aurka arituko dira. Bigarren partida, berriz, Matxin IV.-ak eta Barrenetxea IV.-ak Etxabe eta Urkoren kontra jokatuko dute.
Ekainaren 10ean izango dira finalaurrekoak, eta finala ekainaren 24an izango da.