Bihar, ekainak 2, egingo dute udaletxeko areto nagusian 2007-2011 agintaldiari dagokion azken udalbatza osoa. Ohikoa denez, 20:00etan hasiko da bilkura, eta hau da landuko duten gai-zerrenda:
- 2011ko maiatzaren 5ean egindako bilkuraren akta onartzea.
- Izarra eremuko jabekideekin egindako hitzarmenaren egokitzapena onartzea.
- Zinegotzien interesen erregistroa.
- Azpeitiko Sanagustin Kulturgunea kultur jardueretarako etxearen kudeaketa eta ustiapena: esleipenaren berrespena.
- Anardi eremurako ordenazioa erabakitzeko hitzarmena: hasierako onarpena.
- Alkatetzak eman dituen ebazpenen berri ematea (Idazkaritzan daude).
- Galdera eta erreguak.
Maiatzaren 22ko udal hauteskundeen ondoren aukeratua izan den udalbatza berria osatzeko batzarra, berriz, ekainaren 11n izango da, leku berean, baina eguerdi partean.