Baigera Jubilatuen Elkartearen lokalak 25 urte betetzen dituela-eta, bazkieentzako txokolatada antolatu dute arduradunek.
Hala, gaur, osteguna, 17:00etatik 19:00etara, bazkide guztiek txokolatea hartzeko aukera izango dute Baigera Iean, Baigera IIan eta Urrestillako egoitzan.
Orio eta Aginagara ibilaldia
Bestalde, Urola Bailarako jubilatuek Orio-Aginagara egun pasa egingo dute ekainaren 16an. Irteerara joateko txartelak ekainaren 7ra arte, asteartea, erosi ahal izango dira Baigerako bulegoan 10:30etik 12:30era bitartean. Txartela 25 euro ordaindu beharko da.
Hilaren 16an, Kaja Rural paretik irtengo du autobusak 10:30ean. 12:00etan meza izango da Orion eta Zumaiako Jubilatuen Abesbatzak abestuko du bertan. Segidan, trikitilariek eta abesbatzak girotuta, txikiteoa egingo dute. 14:30ean, berriz, Aginagako Errasti sagardotegian bazkalduko dute.