Urrestillako San Joan festak gerturatzen ari direla-eta, salgai daude dagoeneko pilota partidetarako sarrerak.
Ekainaren 17an, ostiralean, izango dira partidak, 22:15ean hasita. Lehenengo partida Apezetxeak eta Zabaletak, Idoateren eta Merinoren kontra jokatuko dute. Bigarren partidan, berriz, Titin III.ak eta Merino II.ak, Aritz Lasa eta Laskurainen kontra neurtuko dituzte indarrak.
Sarrerak Oto, Ana Mari eta Auntxa Urrestillako tabernetan eskuratu daitezke, 30 euroren truke.