Eusko Label Banakako Aizkora Txapelketako finalak jokatuko dituzte etzi, Izarraitz pilotalekuan, 12:00etan hasita.
Hiru mailatan izango da lehia. Urrezko Mailan Aitzol Atutxa II.a eta Lopez Azpilikueta izango dira nor baino nor, eta guztira 24 enbor ebaki beharko dituzte.
Hemeretzi urtez azpikoen txapelketako finalean Eneko Saralegi eta Eneko Otaño izango dira aurrez aurre. Gazteek hamabi enbor ebaki beharko dituzte, hiru modalitatetan.
Hamabost urtez azpikoetan, berriz, Iker Vicentek eta Mikel Zabaletak neurtuko dituzte indarrak. Zortzi enbor ebaki beharko dituzte, bi modalitatetan.
Egur Sport SLk antolatutako ekintza izango da Azpeitiko Udalaren laguntzarekin.