Ekainaren 27an hasiko da Udala Etxebeltz-Izarrako BOEen sustapeneko aurreneko 108 etxebizitzen salmenta gauzatzeko eskriturak eta giltzak ematen. R4ko partzelan eraikitako 54 etxebizitzenak (Landu Promozioak, SL-k egin dituenak) eta R6ko beste 54renak (Altuna y Uria, SA-k eginikoak) dira hil honen bukaeran banatuko dituzten eskriturak eta giltzak.
Etxejabeek etxe horiek ikusteko egunak eta ordutegia zehaztu ditu Udalak:
- Ekainak 20, Loiolako Ignazio etorbideko 63 eta 85 proiektuan 1. zenbakia duten etxebizitzak.
- Ekainak 21, Loiolako Ignazio etorbideko 65 eta 83 proiektuan 2. zenbakia duten etxebizitzak.
- Ekainak 22, Loiolako Ignazio etorbideko 67 eta 81 proiektuan 3. zenbakia duten etxebizitzak.
Hiru egunetan arratsaldez izango da etxeak ikusteko aukera, 15:00etatik 19:00etara.
Gainerakoak, irailean
Etxebeltz-Izarran eraikitzen ari diren gainerako 100 etxebizitzen eskriturak eta giltzak irailaren erdi aldera ematea aurreikusten dute Udalean. Etxebeltz Izarra R5 Promozioak, SL-k eraikitako etxeak dira horiek, R5eko partzelan.
Aurreneko 108ekin egin duen bezala, orduan ere aurrez jakinaraziko ditu Udalak eskriturak egin eta giltzak jasotzeko epeak.