Azpeitiko XII. Erremonte Txapelketako finalerdiak jokatu zituzten joan den ostiralean, ekainak 10, Izarraitz pilotalekuan.
Zulaikak eta Zubizarretak 30-40 galdu zuten Matxin VI.aren eta Ionen kontra. Beraz, Matxin VI.a eta Ion finalean izango dira. Aldiz, finalerdietako bigarren partidan Matxin IV.ak eta Barrenetxeak 24-40 galdu zuten Oinatz eta Agirrezabalaren kontra. Hori dela-eta, Matxin VI.ak eta Ionek Oinatz eta Agirrezabalaren kontra jokatuko dute txapelketako finala.
Finala hilaren 24an, ostirala, izango da 18:30ean hasita Izarraitz frontoian. Finalaren aurretik, 18:00etan, afizionautek neurtuko dituzte indarrak. Hala, Otaegik eta Labakak Segurola eta Aizpururen kontra jokatuko dute partida.