Bihar, osteguna, hasiko da Azpeitiko Gaztetxeak antolatutako 5. Garagardo Festa. Hiru egunetan (osteguna, ostirala eta zapatua) izango da inportazioko garagardoa dastatzeko aukera. Hala, egunero 18:00etan irekiko dute Gaztetxea.
Bihar, osteguna, irlandar musikarekin alaituko dute festa. Ostiralean, berriz, euskal musika entzuteko aukera izango da, eta zapatuan erromeriarekin emango diote festari bukaera.
Antolatzaileek jakinarazi dutenez, prezioak bereziak izango dira eta garagardoaz gain, jatekoa ere egongo da bertan. Besteak beste, ogitartekoak eta plater konbinatuak.