Udal Kirol Patronatuak igeriketa ikastaro trinkoa eskainiko du uztailean, 7 eta 13 urte bitarteko haurrei zuzenduta. Uztailaren 5ean hasiko da, eta 28ra arte iraungo du. Saioak astelehenetik ostiralera emango dituzt, egunero. Bi ordutegiren artean aukeratu ahal izango dute parte-hartzaileek: 10:00etatik 11:00etara, edo 11:00etatik 12:00etara.
Prezioari dagokionez, Kirol Patronatuko bazkide direnek 46,17 euro ordaindu beharko dute, eta bazkide ez direnek, aldiz, 80,83 euro. Taldeak gutxienez zortzi lagunekoak eta gehienez hamabikoak izango dira. Taldeak lehenbailehen osatzeko, beraz, izena ahalik eta azkarren ematea gomendatu dute. Horretarako, igerilekura joan, edo 943-81 41 21 telefono zenbakira deitu beharko da.
Irailetik aurrera,gehiago
Irailetik aurrera ere igeriketa ikastaro eskaintza zabala egingo dutela gogorarazi nahi dute arduradunek. Adinaren arabera banatuko dituzte ikastaroak: 7 hilabete eta 2 urte bitartekoentzat; 2 eta 4 urte bitartekoentzat; 4 eta 7 urte bitartekoentzat; 7 eta 13 urte bitartekoentzat eta 14 urtetik gorakoentzat. Izena emateko epea ere zabalik dago dagoeneko.
Irailetik aurrera gehiago
Joan den larunbatean zabaldu zuten kanpoko igerilekua, eta irailaren 11 bitartean egongo da zabalik, egunero, 11:00etatik 20:00etara. Barruko obrak bi aste barru amaituko dituztela aurreikusi dute, eta, beraz, orduan irekiko dute kanpoan zabaltzea falta den zatia.