Gaztetxek antolatutako futbito txapelketa bukaerara iristen ari da. Aste guztian kopako eta ligako finalaurrekoak jokatzen ari dira eta zapatuan, hilak 18, izango da finala. Ohi bezala, herriko plazan jokatuko dituzte Kopako eta Ligako finalak.
Gaur jokatuko dute Intz eta Lastopardue taldeek ligako finalaurrekoa eta gaurko irabazleak Katxitarren kontra jokatuko dute Ligako finala. Aldiz, Kopako finala Potrozorriyek eta Korrale B taldeek jokatuko dute.
Zapatuan, 16:00etan hasiko da Kopako finala eta ondoren, 17:00etan, Ligakoa jokatuko dute.
Txapelketari bukaera ona emateko aurten ere afaria antolatu dute. Aurten ere Gaztetxean egingo dute afaria Garagardo festa dela-eta. Txapelketan parte hartu dutenek doan afaltzeko aukera izango dute eta finalaren ondoren banatuko dituzte afarirako txartelak.