Lagun Onak Mendi Bazkunak BTT gaztetxoentzako mendi ibilaldia antolatu du igande honetarako. Izena hilaren 7rako eman behar da mendizaleen tabernan, webgunean edota lagunonak@euskaltel.net helbidean.
Igandean, 10:00etan abiatuko dira gaztetxoak bizikletan plazatik Oñatz aldera. 16 kilometroko itzulia egingo dute, eta ordu eta erdi inguru iraungo du txangoak. Bukaeran, antolatzaileek hamaiketakoa emango diete parte-hartzaile guztiei. Ibilaldira joateko kaskoa beharrezkoa dela adierazi dute antolatzaileek.