Aurtengo saninazioei hasiera emango dien txupinazoa Julian Barrenetxea abesbatzako eta Azpeitiko Ikastola Ikasberri Kooperatiba elkarteko kideek botako dute: abesbatzak 25 urte bete dituelako eta Kilometroak 2011 Azpeitian izango delako.
Urteroko legez, hilaren 30ean, San Inazio bezperan, 12:00etan botako dute suziria udaletxeko balkoitik. Behin festei hasiera emanda, abuztuaren 2ra arte izango da jai giroa herrian.
Iazko saninazioetako txupinazoa Erniarraitzeko kideek eta Ikastolako sortzaile zein lehenengo andereñoek bota zuten .