Lagun Artea eskuderiak antolatuta Klasiko Deportiboen Azpeitiko VIII. Rallya izango da zapatuan eta igandean. Rallyak bi etapa izango ditu, eta guztira 400 kilometro inguru egingo dituzte parte-hartzaileek. Ibilbidea egiteko batez besteko abiadurak 50 kilometro ordukoa baino baxuagoa izan beharko du.
Zapatuan, hilak 23, 11:00etatik 14:00etara bitartean Rallyan parte hartuko duten autoak epaitegi aurreko aparkalekuan egongo dira. Han azterketa teknikoak pasatu beharko dituzte. Lehen etapa, zapatuan 16:00etan hasiko dute Azpeitian eta afaltzeko Gabirian izango dira. Ondoren, lehen etapako bigarren zatia hasiko dute eta 01:00ak inguruan bukatuko dute lehia,. Bigarren etapa igandean hasiko da 10:30ean, eta 13:30ak inguruan bukatuko dute.
Lasterketan 27 auto gidarik eman dute izena, beste urteetan baino gutxiagok. 25 urte baino gehiagoko autoek hartu dezakete parte lasterketan.