Bihar, irailak 9, Euskal Jai Eguna ospatuko dute Zarautzen; igandean, irailak 11, Kontxako banderaren jardunaldi nagusia jokatuko dute Donostian. Bi hitzorduok kontuan hartuta, autobus zerbitzu bereziak jarriko dituzte.
Euskal Jai Egunari dagokionez, irailaren 9tik 10erako gauerako autobus zerbitzu berezia jarri dute Urola Kosta bailarako herrietara. Horrela, bihartik etzi bitartean, 00:00etan, 02:00etan, 04:00etan eta 06:00etan autobusak irtengo dira Zarauztik eta, kostako bidetik, herri guztietan geldialdiak eginez Azkoitia arteko ibilbidea egingo dute. Zarautzen San Pelaion, Gurutze Gorriaren aurrean eta Argi Kafetegiaren aurrean egingo ditu geldialdiak autobusak.
Igandean, berriz, jai egunetako ohiko autobus zerbitzuei beste bat gehituko diete, bereziki Kontxako estropadak ikustera joan nahi dutenei zuzenduta. Autobus hori 10:00etan irtengo da Azkoititik eta 10:10ean geldituko da Azpeitian.