Azpeitiko gizon bat hil da gaur goizean Lasao auzoaren inguruetan, Zestoako partean -Eusko Jaurlaritzaren Herrizaingo Sailak jakinarazi duenez-, gidatzen ari zen traktorearekin istripua izanda. Goizeko 11:30ak aldera izan da istripua.
Hildakoa I.R.A. da, 76 urtekoa eta Zabalia-Berri (Munatxo) baserrikoa. Antza denez, berarekin batera egurra karreatzen zebiltzan senideek traktoreak harrapatuta aurkitu dute gizona. Ertzainak eta suhiltzaileak bertaratu dira, eta gorpua ateratzea lortu dute. Donostiako Auzitegiko Patologia Zentrora eraman dute, autopsia egiteko.