Indartsu ekin dio Unai Iparragirrek (ARN-Slece) neguko denboraldiari. Aurreko aste bukaeran hasi zen pistako Gipuzkoako Challengea, eta lehen jardunaldi borobila osatu zuen Iparragirrek.
Azpeitikoak Donostiako belodromoan jokatutako hiru lasterketak irabazi zituen: daniar erakoa, kanporaketa eta puntuaketa lasterketak.
Larunbatean, azaroak 19, izango dute aurtengo challengearen bigarren jardunaldia, hura ere Donostiako belodromoan.