Baigera elkarteak igandean, hilaren 12an, bukatu zuen Jubilatuen Astea . Ekitaldi ugari egin dituzte aste guztian, eta igandean Kiruri jatetxean egin zuten bazkaria eta omenaldia.
Ohitura den legez, aurten 90 urte bete dituzten herritarrak omendu zituzten Baigerako kideek eta Udal ordezkariek. Aurten hamabi herritar omendu dituzte: Carmen Aizpuru, Antonia Nogales, Felipe Quincoces, Anastasia Sarasua, Carmen Galarraga, Maria Arocena, Francisco Aguirrezabalaga, Ignacia Campos, Carmen Loinaz, Justo Cendoia, Felix Sudupe eta Albina Iriarte. Omendutako kide guztiak bazkarian izan ziren, eta Eneko Etxeberria alkateak oroigarri bana eman zien.