Egin dezagun bidea proposamenari atxikitu da Erniarraitz Bertsozale Elkartea ere. Hala, datorren ostiralerako, azaroaren 25erako, bertso-afaria antolatu du.
Aurrena, hileroko azken ostiraletan Egin dezagun bidea lelo hartuta egiten den elkarretaratzean parte hartzera deitu dute bertsozaleek. Ondoren, pintxo-poteoa egingo dute. Segidan, 21:00etan, bertso-afaria izango da, Lau Bide jatetxean. Bertan, Beñat Lizaso eta Jokin Uranga bertsolariak ariko dira kantuan. Txartelak ohiko tabernetan erosi daitezkeela azaldu dute Erniarraitzekoek. Afarirako txartelak 20 eurotan daude salgai.
Pintxo poteoko tabernak honako hauek dira: Etxe-Zuri, Orkatz, Bost, Intz, Fideo, Sanagustin eta Charli.