Azaroaren 5ean eta 6an izan ziren uholdeetan kaltetutako herritarrei azaroaren 25a baino lehen udaletxera joateko deia egin die Azpeitiko Udalak, egon daitezkeen diru-laguntzak epe horretarako bideratu beharko dituztelako.
Kalteen "ahalik eta ebaluaketa onena" egiteko gomendioa luzatu diete Udaletik kaltetuei; "herritarrek kalteak ondo zehaztu behar dituzte (argazkiak badituzte hobe) eta dena konpontzeak izango zukeen aurrekontua ere ekarri beharko dute", esan dute.
Hala ere, kalteen berri aurrena norberaren aseguru-etxeari ematea gomendatu du Udalak, bere garaian eman zituzten jarraibideetan zehaztu zuten bezala.