Egin dezagun bidea
ekimenak datorren ikasturterako prestatzen ari den ekimenen berri eman du. Hainbat eragilerekin elkarlanean, hileko azkenengo ostiraletan euskal presoei elkartasuna adierazteko ekintzak antolatu ditu, eta eragileetako kide guztiak ere aurkezpenean izan dira. Mus txapelketa, antzerkia, herriko taldeen kontzertuak, bertso saioak, kantu lehiaketa eta abar antolatu dituzte kideek.
"Egitarau oparoa lortu dugu, egitarau iraunkorra eta zabala, eta ilusioz betea", jakinarazi dute antolatzaileek. "Batetik, irailetik hasita hileko azken ostiralei formatu irekiagoa eta koloretsuagoa bat ematea lortu dugu hemen gauden guztiok. Hileko azken ostiralak ekimenez josiak izango dira". Hilero elkarretaratzea izango da herriko plazan, eta amaitutakoan, tabernarien elkartearen eskutik, tragoa ordainduta pintxoak doan emango dituzte. Hil honetan, Charli, Fideo, Sanagustin, Intz, Orkatz, Bost eta Etxe Zurin izango da eskaintza. Ondoren, berriz, bestelako ekimenak eskainiko dituzte. Gaur, adibidez, bertso afaria izango da Lau Biden, Erniarraitz Bertso zale elkarteak lagunduta. Bertsolariak Beñat Lizaso eta Jokin Uranga izango dira.