Gaur, ostirala, Khamar Saharar Herriaren Aldeko Azpeitiko Elkarteak antolatuta, Mus Txapelketa egingo dute gaztetxean. 21:30ean hasiko da, eta izen ematea ordu erdi lehenago irekiko dute gaztetxean. 10 euro ordaindu beharko du bikote bakoitzak, eta irabazleek euskal eta saharar produktuekin osatutako otarra bat jasoko dute.
Mus Txapelketan ateratzen duten dirua, Khamar Elkarteak Saharar Errefuxiatuen kanpamenduetako eskola batean daukan ordenagailu gelaren inguruko proiektura bideratuko dute.