Azpeitiko Udaleko Gazteria Sailak Gabonetarako programazioa prestatu du. Haur Hezkuntza 5. mailatik Lehen Hezkuntzako 6. mailara artekoentzat izena emateko epea atzo bukatu zen. 12 eta 17 urte artekoentzat antolatutako ekimenetan parte hartu nahi dutenek izena emateko aukera dute bihar, asteazkena, arte. Izena, Gaztelekuan edota Gazte Informazio Bulegoan eman daiteke.
Ekimenak abenduaren 26tik 30era bitartean izango dira. Honakoak antolatu dituzte, besteak beste: ping-pong eta pala txapelketak, free dance, euskal selekzioaren futbol partida ikustera irteera eta postreak egitea.