Igandean, hilak 4, Azpeitiko Lagun Onak txirrindulari elkarteko Lan Mobel taldeak parte hartu zuen Igorreko ziklo-krossean. Kadete mailan, taldekako proban, Andoni Gurrutxagak, Oier Ibargurenek eta Unai Orbeak lehenengo postua lortu zuten.
Banakako proban ere postu onak lortu zituzten azpeitiar txirrindulariek. Izan ere, Andoni Gurrutxaga zortzigarrena izan zen, Unai Orbea hamargarrena eta Oier Ibarguren hogeigarrena.
2011-2012 ziklo-kross denboraldia urriaren 30ean hasi zen, eta urtarrilaren 22an bukatuko da.