Fruitu arbolen inguruko ikastaroa antolatu du Kimu Batek Azpeitian. Fruitu arbolak nola zaindu behar diren erakustea da ikastaroaren helburua. Herritarrek baratzan, baserrian edo lorategian dituzten edo landatu nahi dituzten fruitu arbolen oinarrizko zaintza erakustea dela diote antolatzaileek.
Ikastaroko saioak urtarrilaren 17an eta 18an izango dira, 18:00etatik 20:00etara, Azpeitian Kimu Baten. Ikastaroa 20 euro kostatuko da. Izena 943 15 00 85era deituta eman behar da.