Atzo, igandea, jokatu zuten Gabonetako Iraurgi Cup txapelketa, Garmendipeko zelai artifizialean. Alebin mailako mutilek jokatu zuten futbol zortziko txapelketa, eta Antiguoko taldea nagusitu zen. Realak eta Antiguokok jokatu zuten finala, eta Antiguoko taldea 3-0 nagusitu zen. Hirugarren eta laugarren postuen lehian Anaitasuna eta Iraurgi Cup taldea aritu ziren nor baino nor, eta azpeitiarrak sailkatu ziren hirugarren postuan, penaltietan irabazita.
Hamar taldek bi multzotan banatuta hartu zuten parte txapelketan. Lehenengo taldean, Lagun Onak A, Iraurgi Cup, AƱorga, Reala eta Zumaiako lehiatu ziren. Bigarrengoan, berriz, Lagun Onak B, Anaitasuna, Tolosa, Antiguoko eta Ikasberri.
Iraurgi Cup-eko antolatzaileek esan dutenez, "txapelketaren balorazioa oso ona da". Bestalde, Lagun Onak Futbol Elkarteari eskerra eman nahi izan dizkiote antolatzaileek "Iraugi Cup Kirol Klubak urtean zehar antolatzen dituen txapelketetan laguntzeagatik".