Otsailaren 2an, osteguna, hondakinen kudeaketa eraginkorra sustatzeko jardunaldia egingo da Azkoitiko Elkargunean, 09:00etatik 14:00etara, Ingurugiro Etxea Fundazioak antolatuta. Izena emateko epea zabaldu dute dagoeneko, eta interesa dutenek hilaren 27a, ostirala, izango dute horretarako azken eguna. Ingurugiro Etxea Fundaziora deituta (943 15 17 13) edo 'ingurugiroetxeafundazioa@azpeitia.net0 helbidera idatzita eman daiteke izena.
Jardunaldi honetan administrazio publikoen alorrean, hondakinen kudeaketa eraginkorra bilatzeko oinarriak eta estrategiak aztertuko dituzte, besteak beste. Enpresa esparruan, berriz, hondakinen kudeaketa egokiak ekar ditzazken kostuen gutxitzea eta negozio aukera berriak aztertuko dituzte. Jardunaldietan Euskal Herriko eta Kataluniako hainbat adituk hartuko dute parte, eta kasu praktiko zehatzak ezagutaraziko dituzte. Egitarau osoa ikusteko, klikatu hemen.