Bai Euskarari Ziurtagiriak banatu ditu gaur, osteguna, Ziurtagiriaren Elkarteak Sanagustinen. Ainhoa Beristain eta Mari Jose Iturria zinegotziek eta Ziurtagiriaren Elkarteko zuzendari Rober Gutierrezek banatu dituzte ziurtagiria.
Ekitaldira gutxiago agertui badira ere, guztira herriko 47 enpresa, saltoki eta era guztietako entitate dira Bai Euskarari Ziurtagiria eskuratu dutenak. Horietatik zortzik Zerbitzua eta lana euskaraz maila lortu dute -tartean Uztarriak-, 28k Zerbitzua euskaraz maila, eta gainerakoek Bidean maila.
Ziurtagiriaren Elkarteak 2010az geroztik egindako sustapen lanaren ondoren Azpeitian ziurtagiria dutenen kopurua bikoiztu egin da; aipatu kanpainaren aurretik 28 ziren herrian ziurtagiria zuten entitateak. Maila igo dutenen artean, Otamendi erloju eta bitxidenda eta Katuka zerbitzua euskaraz emateko gai dira orain. Era berean, azken urtean hiru entitate berrik eskuratu dute ziurtagiria: Biur arropa dendak, Carmona ehorzketa etxeak eta Esnaola elektrizitate eta elektronika etxeak.