Lagun Onak Futbol Taldeak hitzaldia antolatu du biharko, osteguna eta hilaren 26a. Futbola eta heziketa izenburua jarri diote eta gaia intereseko duten herritar guztiak gonbidatu dituzte bertara, eta bereziki klubeko jokalarien gurasoak.
Hitzaldia Betharrameko aretoan izango da, 19:00etan hasita. Bittor Alkiza (Realeko kirol zuzendaria), Juanjo Ibarburu (Realeko kontseilaria), Aitziber Aizpuru (dietista), Oier Agirrezabal (Realeko prestatzaile fisikoa) eta Aitor Zulaika (Lagun Onakeko kirol zuzendaria) izango dira hizlariak. Ekitaldiaren lehen zatian hizlari bakoitzak dagokion esparruaz azalpenak emango ditu eta, ondoren, eztabaidarako eta iritzi trukerako tartea irekiko dute.