Pirritx, Porrotx eta Marimototxek euren azken lana, Zazpikoloroa
eskainiko dute otsailaren 4an, zapatua, Izarraitz pilotalekuan. Uztaro haurreskolako guraso elkarteak antolatu du ekimena, eta bi emanaldi egingo dituzte: 16:00etan bata, eta 18:30ean bestea.
Sarrerak 6 euro balio du eta dagoeneko erosi daitezke herriko hainbat lekutan. Uztaro haurreskolan, Lasa gozotegian, Eguzkitzan, Pastorkuan, Ametsan, Laratzen, Sanagustin kulturgunean eta Errotatxo okindegian.
Zestoan, Anardin eskuratu daitezke. Zumaian, Ardantzabide Altzariaken eta Brakys kafetegian eta Azkoitian, Errotatxo okindegian.