ELA, LAB eta STEE/EILAS sindikatuek biharko, hilak 9, deitu duten grebarekin bat egitea erabaki du Azpeitiko Udalak. Administrazioek arlo publikoan aurreratu dituzten murrizketen harira egin dute deia sindikatuek.
Azpeitiko Udalak 11:00etatik 15:00etara egingo du lanuztea, eta 11:00etan elkarretaratzea egingo dute, plazan. Gainera, kiroldegia eta igerilekua itxita egongo dira 11:00etatik 18:00etara eta, beraz, tarte horretan ematekoak ziren ikastaroak-eta bertan behera geldituko dira.