Atzo, asteartea, Urola bailarako kalitate turistikorako hirugarren ziurtagiriak banatu zituzten, Sanagustin kulturgunean. Han izan ziren, besteak beste, Urola bailarako udaletako, Iraurgi Lantzeneko eta Foru Aldundiko ordezkariak.
Lehenengo, 2011n egindako lana tarteko, Kalitate Turistikoaren Konpromisoa ziurtagiria jaso zuten Azpeitiko lau jatetxek: Sagasti Zahar, Landeta sagardotegia, Lau Bide eta Neredi. Bestalde, ziurtagiria 2009an eta 2010ean jaso zuten establezimenduek ziurtagiri berriztua jaso zuten. 2009an eta 2010ean ziurtagiria jaso zuten enpresen artean daude hauek: Mikel Uria jatetxea, Kiruri jatetxea, Jai Alai jatetxea, Larrañaga jatetxea, Burdinbidearen Euskal Museoa.