Eskualdeko mikroenpresen garapena lortzeko, horien kudeaketa hobetzeko eta lehiakorragoak izan daitezen, Iraurgi Lantzenek 'Mikroenpresak Mugimenduan-Microempresas en Acción' proiektua jarri zuen abian.
Ekimen horren baitan, joan den asteartean 'Kostuen kudeaketa eta kontrola' saioa egin zuten hamalau mikroenpresetako arduradunekin. Saioaren helburua enpresetako kostuak kudeatzeko tresna erraz bat diseinatzen eta erabiltzen erakustea izan zen. Arduradunek agertu dutenez, ekintza hauetan eskualdeko mikroenpresa guztiek hartu dezakete parte.