Asteroko legez, Lan Mobel Iraurgik eta Lagun Onakek dagozkien partidak jokatuko dituzte astebukaeran. Iraurgik gaur, ostirala, jokatuko du ligako partida, eta Lagun Onakek bihar, zapatua.
Lan Mobel ISBk gaur, ostirala, hartuko du Tenerife taldea kiroldegian, 21:00etan hasita. Tenerife sailkapeneko azken hirugarren postuan dago, eta Iraurgi, berriz, bederatzigarrena da.
Hirugarren Mailako Lagun Onakeko taldeak Gernikaren zelaian jokatuko du bihar, zapatua, 17:00etan hasita. Gernika sailkapeneko bigarren postuan dago, 53 punturekin. Lagun Onak, berriz, sailkapeneko hamabigarren postuan dago, 32 punturekin. Partida gogorra izango du, beraz, Lagun Onakek bihar.
Atoyebi, hileko jokalaria
Lan Mobel Iraurgiko Ola Atoyebi nigeriar pibota Zilarreko Adecco Ligan, otsailean, balorazio onena jaso duen jokalaria izan da, beste bi jokalarirekin berdinduta. 19,25 puntuko balorazioa jaso du Iraurgiko jokalariak, eta ez da hileko jokalari izendatzen duten lehenengo aldia. Izan ere, urtarrilean ere ligako jokalari baloratuena izan zen.