Krisiari jarriak
| Nahiz ta amestu ondo izango ginela bizi guzian uste gutxien genuenean sartu gaituzte krisian atzo artean denok aberats, gaur denok ezin bizian harrapatuta gelditu gara bankuaren lurjauzian. Errepasatzen jarri ezkero azkenengo urte haueri harrokeria punttu bat ere ez ote zaigu ageri zeru bezala saldu zaiguna bilakatu da aberi gezurretako putzu batean egin baitugu igeri. Etxe, autoa edo oporrak kontsumismoa zutabe aurreratutzen saiatu baino aurrez gastatzea hobe. Dena kreditu dena hipoteka ta bankua denen jabe denok aberats sentitu gara txanpon bat ikusi gabe. Diruarekin diru egiten mozkorturikan bankuak beti kreditu eskeinka ziren nahi ziren bezalakuak oinarririkan gabeko planak gero emaitzak halakuak bide hortatik etorri dira ikuilura behi plakuak. Orain alferrik aritzea da egin banu ta bazendu aska hustuta nola dagoen behia ezin da gizendu ari direla diote baina inork ezin du zuzendu gizena antzu omen dago ta plakoari ezin kendu. Nahiz ta ohitura hori ez izan lehengo aitona zaharrena behia ahaztuta ibili gara denok munduan barrena gero hortatik etorri zaigu konpon ezin den herrena behia esnedun izan nahi bada pentsua eman aurrena. |