Urteroko legez aurten ere egingo da gaztetxeak antolatutako futbito txapelketa. Hori dela-eta, gaur, hilak 11, bilera informatiboa egingo dute, 21:00etan hasita, gaztetxean. Batzarrean, besteak beste, taldekako izen emateaz eta txapelketaren nondik norakoez hitz egingo dute.
Aurreratu dutenez, txapelketan parte hartu nahi duten taldeek 60 euro ordaindu beharko dute. Bestalde, antolatzaileek esan dutenez, izena eman nahi duten taldeetako kideak bertaratzea "derrigorrezkoa da".
Azpeitian Gazteok Zer?! taldeak antolatzen zuen lehen txapelketa; azken urteetan Gaztetxeak hartu die lekukoa.