Bertan Merkatari Elkarteak bulegoa lekuz aldatu du. Hori dela-eta, Sindikatu Zaharreko lehenengo solairuan, Enparan kalea 1ean, egongo da aurrerantzean. Bertanekoek esan dutenez, "hemendik aurrea merkataritzari buruzko edozein kontsulta edo kexa izanez gero edo informazioa beharrez gero Sindikatu Zaharrera joan besterik ez dago".
Bestalde, apirilean erosketak Bertan txartelarekin eginez gero, 5 euroko, 10 euroko, 20 euroko eta 50 euroko erosketa baleak zozkatuko ditu bezeroen artean.