Haritz Etxeberria 'Ministro'-k Jokin Uranga, Urko Egaña eta Beñat Lizasoren jarraipena egingo du webgune honetan, igande honetatik aurrera. Hiru bertsolariek Gipuzkoako Bertsolari Txapelketako final-zortzirenetan kantatuko dute eta Ministrok saioen kronikak egingo ditu, bere lagunek egindako lanaren berri emanez.
Igandean, Lazkaoko saioan hartuko du parte Lizasok Beñat Iguaran, Adur Gorostidi, Iban Urdangarin, Nahikari Gabilondo eta Unai Muñoarekin. Areria kulturgunean, 17:30ean hasiko da saioa. Lizasoren saioaren berri asteartean emango du Ministrok, hemen, Lapikuen.
Uranga eta Egaña
Urangak urrriaren 1ean kantatuko du, Elgoibarren, Egoitz Eizagirre, Joxe Munduate, Mikel Arrillaga, Oier Aizpurua eta Unai Gaztelumendirekin. Herriko Antzokian, 17:30ean.
Egañak, berriz, urriaren 8an, Irunen. Asier Sasieta, Alaia Martin, Haritz Casabal, Iñaki Zelaia eta Manex Mujika izango ditu bertsolagun. Amaia Antzokian, 17:30ean izango da.
Bi saio horien artikuluak asteartetan argitaratuko ditu, urriaren 4ean eta 11n.
Orain arte
Erniarraitz Bertsozale Elkarteko zazpi lagun hasi ziren G puntuaren bila. Hasierako sailkatze fasean Joseba Andoni Agirre, Urko Egaña, Nekane Zinkunegi, Jokin Uranga, Eneritz Arzallus, Beñat Lizaso eta Josu Oiartzabal Xenpelar -ek hartu zuten parte. Puntuazio hau lortu zuten:
Joseba Andoni Agirre: 512,5
Eneritz Arzallus: 586,5
Urko Egaña: 599,5
Beñat Lizaso: 616
Josu Oiarzabal: 533,5
Jokin Uranga: 633,5
Nekane Zinkunegi: 567
(579 puntutan geratu zen sailkapena lortzeko muga)