Azpeitiko Udaleko Kirol Sailak bat egin du etzi, igandea, izango den Europako Kirola Kalera Ateratzeko Egunarekin. Herritarrak kirolak sozialki eta osasunarentzat duen garrantziaz jabetuarazteko, honako ekimenak antolatu ditu iganderako; kirol-guneko tenis, paddle eta futbol zelaira doan sartu ahal izango da, 10:00etatik 13:00etara bitartean. Igandea denez, tabernan eskatu beharko da giltza.
Bestetik, bolatokian bolo jokoan ikasteko oinarrizko ezagutza jaso ahal izango da 10:00etatik 13:00etara bitartean. Bertan izango dira bolo elkarteko kideak.