Azpeitiko Udal Euskaltegiak HABEren 3. mailako edo EGAko titulu ofizialak eskuratzeko ikastaroa eskainiko du ekaina eta uztaila bitartean. Ikastaroa ekainaren 25ean hasi eta uztailaren 27an bukatuko da. Astelehenetik ostiralera emango dira eskolak, eta lau ordu eta erdiko iraupena izango du. Titulua eskuratzeko azterketa, berriz, irailean izango da.
Ikastaroaren kostua 148,32 eurokoa da. Kopuru horrek matrikula (133,92 euro) eta materiala (15 euro) barne hartzen ditu. Dena den, bekak eta diru-laguntzak lor daitezke.
Izena emateko epea zabalik dago jada, eta Euskaltegiaren egoitzan edo 943-81 19 47 telefonora deituta inskribatu daiteke. Informazio gehiago, hemen.