Londresen ekainaren 13an eta 14an egingo da Global Wind Offshore izeneko azoka, energia berriztagarrien eta, bereziki, itsas-eolikaren inguruan mundu mailan egiten den feriarik garrantzitsuenetakoa.
Eusko Jaurlaritzak, Energiaren Euskal Agentziaren, Energiaren Klusterraren eta Euskal Herriko Itsas Foroaren bidez, eta EAEko zortzi enpresak hartuko dute parte azoka horretan, Basque Country, working together izendapen bateratuarekin. Euskal erakundeek eta enpresek erakustokia partekatuko dute.
Azpeitiko Glual da egunotan Londresen ordezkaritza duen enpresetako bat. Besteak beste Azpeitian lantegia duen Tecnalia ere enpresa multzo horretan dago.