Datorren denboraldia prestatzeko lanak hasi dituzte Lagun Onak Futbol Taldeak eta Ikasberri Kirol Elkartea. Hala, Lagun Onakekoek 2001ean jaiotako haurrentzako entrenamendua prestatu du gaurko (asteartea). 18:30ean hasiko da saioa Garmendipen, eta haurrak futbolerako arropekin agertu beharko dute.
Bestalde, Ikasberrik ere datorren denboraldira begira taldeak osatzeko deialdia egin du. Hori dela-eta, ostegunean, hilak 21, erregional mailako taldeak 19:30ean lan saioa izango du zelai artifizialean. Ostiralean, berriz, infantl eta jubenil mailakoen txanda izango da. 17:00etan eta 18:00etan izango dira entrenamenduak hurrenez hurren.