Azpeitiko Udalak eta Uztarria Komunikazio Taldeak urtebeterako hitzarmena sinatu dute gaur (osteguna). Eneko Etxeberria alkateak eta Alaitz Olaizola Uztarriako lehendakariak izenpetu dute. 31.583,26 euroko diru-laguntza jasoko du Uztarriak hitzarmenaren ondorioz eta aldizkarirako zein webgunerako izango da diru kopuru hori. Bestelako produkturen bat ateraz gero, 2.463 euroko laguntza izango du Uztarria Komunikazio Taldeak. Aurtengo diru-laguntza, iaz jasotakoaren berdina izango da.
Udalak ekaineko ohiko udalbatzarrean onartu zuen Uztarriarekin urtebeterako hitzarmena egitea. Bilduk eta Hamaikabatek hitzarmenaren aldeko bozka eman zuten; EAJk akordioaren kontra bozkatu zuen.
Hitzarmena osorik ikusteko egin klik hemen.